विराटनगरसँग चितवन पराजित
काठमाडौँ । नेपाल प्रिमियर लिग (एनपिएल) अन्तर्गत २३ औं खेलमा विराटनगर किंग्सले चितवन राइनोजलाई पराजित गरेको छ ।
भर्खरै सम्पन्न खेलमा विराटनगरले चितवनलाई ५१ रनले हराएको हो । विराटनगरले दिएको १८२ रनको लक्ष्य पछ्याएको चितवनले २० ओभरमा ६ विकेट गुमाएर १३० रनमात्रै बनाउन सक्यो ।
उसका लागि अमर रौतेलाले ४२, सन्तोष कार्कीले २८, कुशल मल्लले २५ तथा रवि बोपाराले २० रन जोड्दा अन्य ब्याट्सम्यानले दोहोरो अंकमा रन बनाउन सकेनन् ।
बलिङतर्फ विराटनगरका सन्दीप लामिछानेले दुई, सुवास भण्डारी, बसिर अहमद, लोकेश बम र क्रिस सोलले एक–एक विकेट लिए ।
त्यसअघि टस जितेर पहिले ब्याटिङ थालेको विराटनगरले २० ओभरमा ५ विकेट गुमाएर १८१ रन जोड्यो ।
उसका लागि बसिर अहमदले अर्धशतकीय पारी खेले । उनी बलमा ६८ रनसहित अविजित रहे । ४४ बल खेलेका उनले ४ छक्का र ४ चौका प्रहार गरे ।
यस्तै, मार्टिन गप्टिलले ४५ रन जोड्दा राजेश पुलामी ३३ रनमा अविजित रहे । विराटनगरले अतिरिक्त २३ रन पायो । बलिङतर्फ चितवनका रिजन ढकालले दुई तथा सोहेद तनभिर, बसिल हमिद र कुशल मल्लले एक–एक विकेट लिए ।
एनपिएलमा यो विराटनगरको छैठौँ खेल हो । ६ खेलमध्ये विराटनगरले दुई खेल जित्दा चार खेलमा हार ब्यहोरेको छ ।
यस्तै चितवनले ६ खेलमध्ये तीन खेल जितेको छ भने तीन खेलमा पराजित भएको छ ।
प्रतिक्रिया (0)